盈柏中醫診所 Cedar Chinese Medicine Clinic
尚然堂 Prime and Naturals
2019年清明節及復活節假期各社區診所開診安排
Consultation Hours on Ching Ming Festival Holiday and Easter Holidays of 2019
又係咁！又係咁！
張假期通告整左出黎又唔係間間診所有貼出黎架喎，要貼出黎通知各街坊病友先得架！好彩都比我搵到啦！哈哈！
今次假期有好多好多醫師開診呀！個list 長得好誇張，原來分兩邊，睇到眼都花。我又搞搞震整左個分開兩張紙既版本！又發現新醫師名啦！
今次張通告有亮點，就係2019年4月21日（星期日）。原來平時星期日有好多好多醫師開診架！真係方便左一班平日好忙好忙既街坊朋友可以係星期日睇醫生，針灸，保健架！
不得不比個like 盈柏（良景）既助護姐姐。雖然佢地每次貼呢d假期通告都係黑白版本唔係幾靚，但佢地應該係最快貼出黎既診所，而且每次有用瑩光筆highlight 左日期，良景診所，醫師名，開診時間，令良景既街坊病友都睇得清楚。我見過幾次架啦，個人估計因為診所只有黑白打印又唔知張通告幾時先送到診所，佢地又想盡早貼出通告通知各街坊病友，所以好細心地highlight 埋比街坊病友睇。用有限既資源盡量做到最好呢d咪匡信精神既發揮囉！我感受到呢份心意架！
謝謝咁多位願意假期開診既醫師們及助護姐姐們！辛苦你地啦！
Thanks to all RCMPs and Clinic Assistants providing service on public holidays!
[資料來源：其中一間社區診所見到張貼之通告。]
[Source：Notice posting in one of the clinics]（唔講都知今次用邊間診所貼出黎既通告啦！哈哈！）
好蒙呀！看唔到！
回覆刪除呢位朋友你好呀！
刪除唔好意思，我試過click 落張相度會睇到，可能影相唔係咁好，我聽日再試試可唔可以整得靚d。
醫師好hea，覆完診，d藥竟然同上次一樣，改都唔改。針灸落針又少。好似趕收工咁。
回覆刪除貼天灸又係，天灸貼紙又唔撕晒，貼得一半，郁兩下就甩，同醫生講完，仲係貼到甩頭甩骨咁。
回覆刪除呢位朋友你好！
刪除好抱歉我不懂醫術。如方便的話，建議你致電 5547 4735 或 電郵致 gracemedm@gmail.com 與診所職員聯絡，如果可以提供更多資料或向佢地講解真實既情況等佢地處理會好d。請放心，我已向診所一方查詢話，資料提供者或投訴人身份是會保密的。
至於貼天灸貼問題，對上一次貼係舊年年尾今年年頭，我相信你一定係個心唔舒服先會忍咁耐先講出黎。
我唔清楚你當時貼既情況，因為我睇開d診所d醫師貼得好好，好細心的。
但以客觀病友既角度，我就覺得比左錢貼，如果病友本身皮膚唔好就無辦法，我相信呢個情況或病友身體狀況唔適合貼既話，醫師都會建議退錢唔好貼；這是我親眼見過的。但如果係人為問題就要請你向佢地講清楚你貼當時既問題，如邊間診所，邊個醫師幫你貼，姑娘點樣幫手等情況。
以我所知，佢地天灸貼d藥係佢地自己整，靚野黎的，為保持新鮮，送到診所可能會姑娘幫手整定d貼，或姑娘唔得閒就醫師自己整，所以如果真係咁差，應該唔止你一個遇到咁。咁就唔係你一位病友既問題啦。現誠意邀請你向佢地公司講清楚情況，如真係有問題就等佢地好好改善。咁先會不斷進步嘛！
非常感謝你的留言！
呢間中醫老闆心機都好重，整個網站話唔關自己事，但又POST到咁多內部野。自己為自己公司做勢。好假!
回覆刪除好多時，等睇醫生等執藥既時候，都可以觀察到好多野；想知既野都可以透過查詢問到。
回覆刪除整個blog 出黎，post下 d 資訊方便下街坊病友，寫下自己既所感所想。若然因為咁而令到診所創辦人被誤解､被鬧､被批評，我只能對診所創辦人感到抱歉。但post 資訊，寫所感所想係我既自由，我唔會因為診所創辦人無辜地被批評而有咩改變。