黑糖薑母茶

有筍嘢介紹！

天氣好凍好凍，啟晴德朗兩條邨個位置又食風，診所出面勁大風，吹到診所度門都郁埋。一行出診所，嘩，好似食西北風咁，真係凍死人，最慘係凍得黎好寒，寒到入心入肺。

站主發現診所有正嘢：黑糖薑母茶。據站主所知就唔係個個體質啱飲，但如果問過醫師你適合飲嘅話，就真係推介要買黎飲下，係呢啲寒都死嘅天氣，一杯熱嘅黑糖薑母茶係驅寒佳品，飲完全身暖笠笠，好鬼正架。

建議各位係診所買係因為要飲得安全。呢隻一盒有10小包，一包為一杯份量，味道剛好，唔會過量。藥廠出品診所代售都唔會衰得去邊啦。唔係賣廣告架，真係正嘢黎架！