聖誕及元旦假期開診安排

哇～哇～哇～
到盈柏中醫facebook官方網頁post 左彭醫師會係2017年1月1日(元旦日) 係良景坐鎮為我地服務呀！良景街坊今次真係倒數玩通霄食到濟有乜唔舒服都唔洗驚啦！可以盡情咁玩咯！非常感謝彭醫師及助護姐姐犧牲假期為街坊服務！謝謝 !! ~^_^~
假期開診時間update番啦！

JJJJJJJJJJJJJJJJJJJJJJJJJJJJJJJ

哇～哇～今個聖誕及新年假期，盈柏中醫有幾位醫師加入假期開診為大眾服務丫！
係咪呢，我都話可以盡情玩盡情食架啦！有咩事都有盈柏既優秀醫師打救你…
不過呢…都係果句…亂食野食濟左有比醫師鬧既風險！
超級感激咁多位愛心醫及助護姐姐犧牲假期、玩、休息既時間為我地服務丫！真係好感動的！謝謝！~^_^~

日期	診所	應診醫師	開診時間
27.12.2016 (星期二)	晴朗	林達興醫師	09:30-17:00
	良景	彭志強醫師	09:30-17:00
1.1.2017 (星期日) (元旦日)	良景	彭志強醫師	09:30-13:00 14:00-17:00
2.1.2017 (星期一)	油塘	黃素鳳醫師	09:30-17:00
	良景	陳宇星醫師	09:30-17:00

盈柏中醫診所（晴朗）
　　地址：九龍啟德沐翠街晴朗商場（A區）A012舖
　　電話：5547 5607

盈柏中醫診所（油塘）
　　地址：油塘大本型商場2樓224舖
　　電話：5542 5432

盈柏中醫診所（良景）
　　地址：屯門良景邨良景廣場4樓L422A舖
　　電話：5281 1574


［資料來源：盈柏中醫診所facebook 官方專頁］

2016冬至及平安夜收早通知

各位街坊病友請注意：
2016年12月21日（星期三）（冬至）
2016年12月24日（星期六）（平安夜）

全線社區診所都提早收18:00

謹祝各位醫師，助護姐姐，街坊病友佳節愉快！
盡情玩盡情食都無有怕（溫馨提示：盡情食食濟左有比醫師鬧既風險），原來盈柏有一班好醫師及助護姐姐都加入左係假期開診為我地服務架 !
Thank you~

再黎一個溫馨提示：
今年既三九冬灸係今日開始啦！各位預約左做冬灸或求診既街坊病友記得準時到啦，辛苦你地內心等候啦！每位醫師都好細心為你地把把脈先貼架，我睇開又好鍾意果幾位醫師就更加唔講，超細心超專業架啦～:)


［資料來源：盈柏中醫診所facebook 官方專頁］


＃呢張通告整得好靚呀
＃真係好想知邊個整咁有心思 :p

診症收費調整 (2016年11月21日新收費生效啦!)

11月份第一日，話個消息比你地知，就係...

診所會係2016年11月21日（星期一）開始作出診症收費調整呀!!
(如果近日有去診所睇醫生既朋友都應該會睇到呢張通知架啦！)

哈哈...
我都已經奇怪左好耐架啦，點解呢間診所咁耐都唔加一之價架呢，社會物價上漲得咁緊要，呢間診所用d藥材又咁靚，點解咁捱得架呢...
話你地知啦，張通告出左咁耐，我而家先post出黎，因為我要研究下加價合唔合理丫嘛，話晒我都係要比錢睇醫生果個。

結果係...
診所創辦人真係一個超級大好人黎架，唔係迫於無奈都唔想加價，佢好堅持比得病人用既一定要係對病人好既、有效既、幫到病人既，無效既對病人無幫助既佢情願唔用（例如藥材、藥酒、艾條果d呢，真係靚野黎架，我知道我就咁自己出去買係好貴的。）佢連酒精既質數都時時監察住好有要求架。但係好野既物價不斷上漲，成本就增加。

以我所知診所開左咁多年，今次先至係第三次加價咋。我八過加價幅度唔大，我呢個長期病患算死草都覺得合理。其實我真係好算死草，出過去其他診所格價之後，呢間診所仍然係我既超值首選！

以下就係由2016年11月21日（星期一）生效的新診症收費：

8號西北烈風或暴風訊號下的開診安排

天文台於2016年10月21日(星期五) 早上6時10分發出8號西北烈風或暴風訊號

診所係facebook官方專頁出左8號風球的開診安排如下：

『8號暴風及烈風訊號下的開診安排

如四點前除下8號暴風及烈風訊號，則下午如常應診。若四點後才除下訊號，今天盈柏診所將休診一天，敬希垂注。』

［資料來源：盈柏中醫診所Facebook官方專頁］

2016年「三九冬灸」而家開始接受預約啦

今年既「三九天灸」（「三九冬灸」）而家開始有得預約啦，又係增強免疫力既機會黎啦。有需要既街坊朋友記得預約啦。

嘩 ... 咁既市場環境都仲係收舊價吖!!無加價!!巧抵呀～仲要有優質醫師幫你把過脈搵最適合既穴位先貼架!!識得去格價既都知係勁抵啦!!

診所既Facebook官方專頁仲話油塘診所於11月30日前預約有早鳥優惠添！
(不過又無寫係乜優惠，有興趣既朋友自己打去問啦，電話：5542 4932)
(我都係最鍾意晴朗診所囉！）

仲有一樣巧驚喜巧滾動吖，今次診所出既冬灸通告又進化左，新設計，唔知係唔係診所職員自己整架呢？睇得出幾有心機整的，真係要比個like你（雖然唔知係邊個整）!! ~^_^~


2016「三九冬灸」貼藥日期：

第一灸：2016年12月20-22日（週二至週四）
第二灸：2016年12月29-31日（週四至週六）
第三灸：2017年01月07-09日（週六至週一）
加強貼：2017年01月16-18日（週一至週三）

［資料來源：盈柏中醫診所Facebook官方專頁］

2016年10月1日（星期六）（國慶日假期）開診安排

2016年10月1日（星期六）（國慶日假期）開診安排
開診時間：09:30 -  13:30；14:30 -  17:00

（1）林達興醫師
　　盈柏中醫診所（晴朗）
　　地址：九龍啟德沐翠街晴朗商場（A區）A012舖
　　查詢／預約電話：55475607

（2）周登棋醫師
　　盈柏中醫診所（油塘）
　　地址：油塘大本型商場2樓224舖
　　查詢／預約電話：5542 4932

（3）良景診所休診

謝謝林醫師及周醫師及助護姐姐在假期開診為一眾街坊病友服務！

[資料來源：盈柏中醫診所facebook官方專頁]

2016年中秋節正日收早，翌日假期休診

農曆八月十五中秋節到左啦
今日盈柏中醫全線社區診所都係開診至下午六點
明日中秋節翌日假期盈柏中醫全線社區診所休診
請各街坊病友留意啦

中秋節快樂！
提提大家玩要盡興
過節食品要淺嘗
唔好食濟吖！  ~^_^~

招聘診所助護

咦！診所請人喎！
有意求職及轉職人士既機會黎啦！

" 招聘油塘及將軍澳區全/兼職診所助護
提供在職培訓，有診所經驗者優先。
有意者電郵履歷至 honsoncmed@gmail.com 鄧小姐收"


［資料來源：盈柏中醫診所facebook官方專頁］

第三間盈柏中醫診所經已開診啦

哇... 哇...
原來第三間盈柏中醫診所 –良景社區診所
已經係2016年7月15日（星期五）正式開診啦

盈柏中醫診所（良景）
地址：屯門良景邨良景廣場4樓L422A舖
　　　（商場升降機對面、扶手電梯側）
查詢／預約電話：5281 1574
交通：輕鐵良景站
開診時間：09:30-13:30；15:00-19:30


[資料來源：盈柏中醫診所facebook官方專頁]

“體貼中藥驅蚊包” 及 “中藥驅蚊包Q & A”

盈柏中醫創辦人真係對一眾街坊病友好體貼。係勁多蚊既季節，整個中藥驅蚊包方便下d街坊。本站主一直都覺得自己d血應該係非常鮮甜，如果唔係點會成日比d蚊追住黎咬，餵到d蚊肥肥黑黑得架...

雖然我成日比蚊咬，抓到d手手腳腳損晒，但我都唔會用蚊怕水呀，驅蚊劑果d化學野，陣味勁難頂之餘，身體吸吸埋埋咁多化學劑都唔知會唔會有問題架。咁...見到診所有驅蚊包更係即刻買黎用下啦，已經用左一段時間架啦，掛住個驅蚊包係屋企果陣我真係無比蚊咬架喎，間房仲有一陣清香草藥味添，香噴噴！大約掛左三個多星期咁上下啦，又開始比蚊咬，我就知係驅蚊包藥效過左，即刻換啦，咁又無再比蚊咬啦！成個驅蚊包都係天然草藥，香噴噴，安全好多。

我覺得晴朗診所（附近好多地盤，多蚊）及良景診所（近山，多蚊）附近d街坊應該都好有驅蚊呢個需要。我真係用過先會強烈推介比大家架，堅work的！

同埋呢，以我所知呢個驅蚊包係診所自己包架，有封住口既防透氣錫紙袋包住，用果陣先拆無漏氣的，衛生又企理，買番屋企就用得，好方便。我真係無想過有咁好既服務先賣25蚊一包仲要有兩個（即係12.5一個），淨係個密封錫紙袋都唔平啦，仲要執藥､包同整呢，唔知診所使唔使蝕架呢？

間診所仲體貼到整埋“中藥驅蚊包Q & A”添呀，又送d知識比我地啦，老老實實無厄人的。間診所咁體貼街坊做咁多野（搞咁多野賣到咁平都唔多似有得賺啦），真係想感動死人咩！！

*********************************************************************
中藥驅蚊包Q & A

１．驅蚊原理是什麼？
　　蚊是濕熱性生命，蚊包裡都是辛燥祛濕的藥物，這些藥物揮發出的氣味，會令蚊蟲誤認為環境變得乾燥，蚊蟲會變得不喜歡留在這樣的環境，故達到驅蚊的功效。

２．成份是什麼？
　　丁香、艾葉、白芷、紫蘇葉、薄荷、石菖浦、藿香、金銀花，共8種藥材。

３．有效時間多長？
　　實驗所得，氣味長達三星期。

４．一個驅蚊包的有效範圍多大？
　　室內：有效150-200呎。
　　室外：未曾進行實驗，故此未知戶外驅蚊功效。

５．會唔會生蟲？有蟲點算？
　　(1) 因為是天然草本，沒有添加劑，難免有受潮發霉的情況。如有，請扔掉。
　　(2) 如打開密封牛皮紙袋時發現有長蟲的情況，請回到診所更換新的蚊包。

６．應如何保存？
　　如牛皮紙袋未曾開封，存放在陰涼的地方即可。

７．開封後放在哪裡？
　　取出蚊包使用，可掛在窗邊、放置在窗台或出入口，並盡量放置在乾爽的地方。
　　如環境潮濕，會降低使用時間。

８．孕婦、氣管敏感患者是否適合使用？
　　成份對孕婦及胎兒並無影響；對氣管敏感患者無刺激。

９．G6PD (蠶豆症) 患者是否適合使用？
　　蚊包成分之中的金銀花及薄荷，據報有機會對蠶豆症患者有不良影響。但蚊包因為並非內服及直接接觸皮膚，而且劑量非常輕微，因此對蠶豆症患者沒有不良影響。
　　如若擔心有不良影響，可以將劑量減少一半試用。
　　*若顧客仍有擔心，不建議使用。

１０．除蚊以外可否驅蟲、驅蠓？
　　　蚊包沒有驅蟲的效果。但有一定的驅蠓作用。

*********************************************************************
係診所見到的中藥驅蚊包單張及“中藥驅蚊包Q & A”



*********************************************************************
解構埋個中藥驅蚊包比大家睇下先：

中藥驅蚊包既包裝，密封的。



拆開密封錫紙袋，內有兩包裝有中草藥兼獨立包裝的驅蚊包。味道好清香的。



打開其中一包比你地睇下啦。d中草藥我唔識，都係唔好亂搞啦。包番好掛起先！

2016年7月1日 (星期五) 休診

2016年7月1日（星期五）
(香港特別行政區成立紀念日假期)
盈柏中醫診所（晴朗）
盈柏中醫診所（油塘）
兩間診所都休診呀！

溫馨提示：
各位街坊朋友有乜十萬火急唔舒服就要去就近急症室求診啦！
如果少少唔舒服頂得住既就星期六先睇醫生啦！
2016年7月2日（星期六）會照常應診的！
最好就梗係個個街坊朋友都健健康康、開開心心放假囉！~^_^~


［資料來源：盈柏中醫診所 Facebook 官方專頁］

2016「三伏天灸」接受預約啦

又到左差唔多做「三伏天灸」既時候啦，又係增強免疫力既機會啦。有需要既街坊朋友記得預約啦。

利申：本站主係唔使貼天灸貼的。我都話我睇醫生既診所同醫師都好老實架啦，兩位好醫師都話我體質唔需要貼就唔使貼嘛，唔會為左賺錢叫你貼的。

無加到價吖!! 同舊年冬灸價錢一樣無變吖！就算我唔使貼都覺得勁抵，因為我好八掛地去格過價囉！同埋有優質醫師幫你把過脈先貼架!! 

2016「三伏天灸」貼藥日期：
第一伏：2016年07月17-19日（週日至週二）
第二伏：2016年07月26-28日（週二至週四）
第三伏：2016年08月04-06日（週四至週六）
加強貼：2016年08月15-17日（週一至週三）

2016年6月9日 (星期四) (端午節) 休診

2016年6月9日 (星期四) (端午節)
盈柏中醫診所（晴朗）
盈柏中醫診所（油塘）
兩間診所都休診呀！

溫馨提示：
端午節都唔好食咁多糉呀，雖然食左『糉子』唔會變『傻子』，當日診所休診，如果食濟左都要第二日先有醫師救你架。一隻糉子全家人一人一啖分享下應下節就好啦。

［資料來源：盈柏中醫診所 Facebook 官方專頁］

2016年5月14日 (星期六) 佛誕假期應診安排

哇~~哈哈~~
2016年5月14日（星期六）佛誕假期
林達興醫師係晴朗診所開診吖
當日開診時間：9:30 - 13:00 ; 14:00 - 17:00
辛苦晒林醫師及助護姐姐啦！

盈柏中醫診所（晴朗）
地址：九龍啟德沐翠街晴朗商場（A區）A012舖
查詢電話：55475607


當日油塘診所休診


[資料來源：盈柏中醫診所 facebook 官方專頁]

2016年5月2日勞動節假期診所休診呀

2016年5月2日（星期一）（勞動節翌日）
盈柏中醫診所（晴朗）
盈柏中醫診所（油塘）
兩間診所都休診丫！
敬請各街坊病友留意啦！


[資料來源：盈柏中醫診所facebook官方專頁]

晴朗診所夜診服務取消左lu

原來晴朗診所既星期四收夜d服務已經無左lu
而家最夜都係收七點半
要長期作戰，要返工，但又放工趕唔切去晴朗診所既病友們
唔緊要，林醫師星期一、五係富昌診所有夜診丫！
又或者星期六放假先去晴朗診所囉！

油塘診所開業優惠

盈柏中醫診所（油塘）已於2016年4月12日正式投入服務啦
各街坊病友們行過都應該見到雞乸咁大粒字寫住“新張期間，憑劵半價優惠”
相信好多街坊病友都同站主一樣抓晒頭
d 優惠劵係邊到呀??
拿！比站主發現到啦
咪就係櫃枱度囉
經過行入診所攞番張研究下有幾優惠又得
睇完醫生問助護姐姐攞優惠劵即時用優惠都得
每項優惠都只可用一次架咋
各位精明既街坊病友記得用唔好蝕抵呀
優惠期到幾時就唔多清楚喇
呢方面就要各街坊病友自己留意番啦

第二間盈柏中醫診所出現啦

WoW… 第二間盈柏中醫診所出現啦…
油塘社區診所
將於明天2016年4月12日（星期二）正式應診啦！
今日開始有得預約啦！

盈柏中醫診所（油塘）
地址：油塘大本型商場2樓224舖（759阿信屋側）
查詢／預約電話：5542 4932
交通：港鐵油塘站A出口

[資料來源：盈柏中醫診所facebook官方專頁]

2016年4月9日（星期六）晴朗診所收早呀

2016年4月9日（星期六）

盈栢中醫診所（晴朗）因公司聚餐

下午收5：30呀

有需要睇醫生既病友請留意

記得要早啲預約啦

2016年復活節假期應診安排

2016年3月25日（星期五）

• 醫師休診
• 助護姐姐值班，為各街坊提供配藥、查詢及預約服務（謝謝助護姐姐！~^_^~）

2016年3月26日（星期六）

• 林達興醫師照常應診（謝謝林醫師！ ~^_^~）

2016年3月27日（星期日）：診所休診


2016年3月28日（星期一）：診所休診

診症收費

剛發現原來一直都未張貼診症收費呢個咁重要既資訊添！^_^”

盈柏中醫診所既診症收費真係好平好街坊價。仲有體貼長者優惠，65歲以上既老友記仲有9折添呀！ ~^_^~

有感而發-流感高峰期

昨晚睇新聞，因近日係流感高峰期，好多市民迫爆醫院急症室。

有無搞錯，如果話為左發高燒，半夜勁唔舒服無醫生睇就話啫。為左感冒走去迫爆急症室等餐死？咁都肯既？

其實傷風感冒喉嚨痛果d，個人就認為睇中醫最好，中藥都可以好勁，一、兩劑藥就好；如有需要再食兩劑清埋個底就可以。

個人經驗西醫頭痛醫頭腳痛醫腳，要食消炎特效藥就好得快，食普通西藥就要睇多幾次。副作用無咁快出到，食得西藥多個人就會虛。中醫中藥就從根源出發，治其根本，無副作用，斷尾根治，效果好又無手尾跟。

中醫咁好，使乜要專登搭車去急症室同人迫仲要等餐死咁傻架！去睇中醫咪得囉！計番條數，睇中醫平過睇西醫好多架！

恢復提供艾灸治療服務

晴朗診所已恢復番提供艾灸治療啦
正呀!! ~^_^~

Moxibustion treatment in Cedar (Ching Long) resumed.
Yeah !! ~^_^~

艾灸療法是中醫學的重要组成部分，也是傳統醫學中最古老的醫療方法之一。 艾灸療法簡稱灸法， 是利用艾叶葉作原料，制成艾條，在一定的穴位上，用各種不同的方法燃烧，直接或間接地施以適當温熱刺激，通過經絡的傳導作用而達到治病，温通氣血、扶正祛邪，保健及防治疾病的一種治療方法。

燒艾還有消毒，驅蚊蟲等作用架！！

新春期間開診安排

6.2.2016（星期六）（年廿八）：

• 09:30-13:30
• （年廿八放半晝返屋企洗邋遢）

7.2.2016（星期日）（年廿九）：休息

8.2.2016（星期一）（年初一）：休息

9.2.2016（星期二）（年初二）：休息

10.2.2016（星期三）（年初三）：休息

11.2.2016（星期四）（年初四）：休息

12.2.2016（星期五）（年初五）：

• 09:30-13:30；15:00-18:00

13.2.2016（星期六）（年初六）：

• 09:30-13:30；15:00-18:00

14.2.2016（星期日）（年初七）：休息

15.2.2016（星期一）（年初八）：

• 回復正常開診時間

黑糖薑母茶

有筍嘢介紹！

天氣好凍好凍，啟晴德朗兩條邨個位置又食風，診所出面勁大風，吹到診所度門都郁埋。一行出診所，嘩，好似食西北風咁，真係凍死人，最慘係凍得黎好寒，寒到入心入肺。

站主發現診所有正嘢：黑糖薑母茶。據站主所知就唔係個個體質啱飲，但如果問過醫師你適合飲嘅話，就真係推介要買黎飲下，係呢啲寒都死嘅天氣，一杯熱嘅黑糖薑母茶係驅寒佳品，飲完全身暖笠笠，好鬼正架。

建議各位係診所買係因為要飲得安全。呢隻一盒有10小包，一包為一杯份量，味道剛好，唔會過量。藥廠出品診所代售都唔會衰得去邊啦。唔係賣廣告架，真係正嘢黎架！